திருப்பதி அருகே மெர்சிடஸ் பென்ஸ் கார் மோதிய விபத்தில் டிராக்‍டர் இரண்டாக உடைந்த வீடியோ சமூக வலைதளங்களில் வைரலாகி வருகிறது.

ஆந்திர மாநிலம் திருப்பதி அருகே சந்திரகிரி இருவழிப் பாதையில் டிராக்‍டர் வாகனம் ஒன்று சென்று கொண்டிருந்தது. கட்டுப்பாட்டை இழந்த டிராக்‍டர் வாகனம், சாலை தடுப்புகளை கடந்து எதிர் திசையில் சென்றதாக கூறப்படுகிறது. அப்போது எதிர் திசையில் வந்த மெர்சிடஸ் பென்ஸ் கார், டிராக்‍டர் வாகனம் மீது வேகமாக மோதி விபத்துக்‍குள்ளானது. இதில் டிராக்‍டரின் முன் பகுதி இரண்டாக உடைந்து சாலையில் ​சிதறியது. இந்த விபத்தில் டிராக்‍டர் ஓட்டுநருக்‍கு லேசான காயம் ஏற்பட்ட நிலையில், காரில் இருந்தவர்களுக்‍கு எந்த பாதிப்பும் ஏற்படவில்லை. மெர்சிடஸ் பென்ஸ் கார் மோதி டிராக்‍டர் இரண்டாக உடைந்ததை அந்த வழியாக சென்ற பொதுமக்‍கள் வியப்புடன் பார்த்து சென்றனர். இந்த வீடியோ சமூக வலைதளங்களில் தற்போது ​வைரலாகி வருகிறது.