முதலமைச்சர் பழனிசாமியின் நிர்வாகத் திறமையின்மையால் கொரோனா நோயாளிகள் அலைக்‍கழிக்‍கப்படுவதாக டிடிவி தினகரன் கண்டனம் - மருத்துவமனைகளில் கூடுதல் படுக்கை வசதிகளை ஏற்படுத்த வலியுறுத்தல்

Jun 1 2020 2:46PM
எழுத்தின் அளவு: அ + அ -
முதலமைச்சர் பழனிசாமியின் நிர்வாகத் திறமையின்மையால் கொரோனா நோயாளிகள் அலைக்‍கழிக்‍கப்படுவதாக அ.ம.மு.க பொதுச் செயலாளர் திரு.டிடிவி தினகரன் கண்டனம் தெரிவித்துள்ளார். மருத்துவமனைகளில் கூடுதல் படுக்கை வசதிகளை ஏற்படுத்த வேண்டும் என்றும் கேட்டுக்‍கொண்டுள்ளார்.

அமமுக பொதுச் செயலாளர் திரு.டிடிவி தினகரன் இன்று வெளியிட்டுள்ள அறிக்‍கையில், சென்னை மாநகரில் கொரோனா நோய்த் தொற்றால் பாதிக்கப்படுபவர்களின் எண்ணிக்கை நாளுக்குநாள் அதிகரித்து வரும் நிலையில், அதை எதிர்கொண்டு சமாளித்து உரிய சிகிச்சை வசதிகளை அளிக்கவேண்டிய தமிழக அரசு, முதலமைச்சர் பழனிசாமியின் நிர்வாகத் திறமையின்மையால் திணறி வருவதும், அதன் காரணமாக நோயாளிகள் அங்கும் இங்கும் அலைக்கழிக்கப்படுவதும் வேதனைக்குரியது மட்டுமல்ல கண்டனத்திற்கும் உரியதாகும் என தெரிவித்துள்ளார்.

கொரோனா நோய்த்தொற்றிலிருந்து சென்னையைக் காப்பாற்ற பல திட்டங்களை வைத்திருக்கிறோம் - ஒவ்வொன்றாக அமல்படுத்தி நோயைக் கட்டுக்குள் கொண்டுவருவோம் என்று முதலமைச்சர் பழனிசாமியும், சுகாதார அமைச்சரும், அதிகாரிகளும் வீரவசனம் பேசி பேட்டிகள் கொடுக்கிறார்களே தவிர அதைச் செயலில் காட்டுவதாகத் தெரியவில்லை என திரு.டிடிவி தினகரன் தெரிவித்துள்ளார்.

நேற்றுவரை சென்னை மாநகரப் பகுதிகளில் மட்டும் 14 ஆயிரத்து 802 பேர் கொரோனாவால் பாதிக்கப்பட்டு, அதில் 129 பேர் மரணமடைந்திருக்கிறார்கள் - தமிழகத்தில் இந்நோயால் பாதிக்கப்படுபவர்களில் 66 சதவிகிதம் பேர் சென்னைவாசிகள் - மரணமடைபவர்களில் நான்கில் ஒருவர் சென்னைவாசி - நோயைக் கட்டுக்குள் வைக்க தமிழக அரசு எடுத்த எந்த நடவடிக்கையும் பலனளிக்கவில்லை என்பதையே இந்த அபாயகரமான புள்ளிவிவரங்கள் நமக்கு உணர்த்துகின்றன என திரு.டிடிவி தினகரன் குறிப்பிட்டுள்ளார்.

இந்தியாவிலேயே தமிழகத்தில்தான் இறப்பு விகிதம் குறைவு என்று நாள்தோறும் சொல்லி பெருமைப்பட்டுக்கொள்கிறார் சுகாதாரத்துறை அமைச்சர் - தமிழகத்தில் இதுவரை 173 உயிர்களை இந்நோய்க்காக பலிகொடுத்துவிட்டு இப்படி பெருமைப்பட்டுக் கொள்வது மனிதத்தன்மையுள்ள செயல்தானா? - தமிழகத்தில் ஒரு உயிரைக்கூட கொரோனாவுக்காக பலியாக விடமாட்டோம் என்று வசனம் பேசியதெல்லாம் என்னவாயிற்று? என்றும் திரு.டிடிவி தினகரன் கேள்வி எழுப்பியுள்ளார்.

சென்னையிலுள்ள பெரிய அரசு மருத்துவமனைகள் ஒவ்வொன்றிலும் 300 முதல் 600 நோயாளிகள் வரை மட்டுமே சிகிச்சை அளிக்க படுக்கை வசதி உள்ளது - இன்றைய நிலவரப்படி சென்னையில் சுமார் ஏழாயிரம் பேர் சிகிச்சைபெற்றுவரும் நிலையில், இனியும் வரப்போகிற நோயாளிகளுக்கு அரசு என்ன ஏற்பாடுகளைச் செய்திருக்கிறது? - கொரோனா நோய்த்தொற்று உறுதி செய்யப்பட்டவர்களை உடனடியாக அனுமதித்து சிகிச்சை அளிக்க முடியாத அளவுக்கு அரசு மருத்துவமனைகள் நிரம்பிவழிவதாக செய்திகள் வருகின்றன - எனவேதான் ஏதேதோ காரணங்களைச் சொல்லி நோயாளிகள் அலைக்கழிக்கப்படுகிறார்கள் என்றும் திரு.டிடிவி தினகரன் குற்றம் சாட்டியுள்ளார்.

நோயாளிகள் எண்ணிக்கை அதிகமானால் ஏற்படும் சங்கடங்களை நம்மால் புரிந்துகொள்ள முடிகிறது - ஆனால், ஜூன், ஜூலை மாதங்களில்தான் இந்நோயின் தாக்கம் உச்சத்தை எட்டும் என்று மருத்துவ நிபுணர்கள் எச்சரித்ததை தமிழக அரசு நினைவில் வைத்திருந்தால், இதற்கான முன்னெச்சரிக்கை நடவடிக்கைகளை இந்நேரம் எடுத்திருப்பார்கள் - சென்னையிலுள்ள திருமண மண்டபங்கள், பள்ளி, கல்லூரிகளில் உள்ள அரங்கங்களை மாநகராட்சி கைப்பற்றி பல வாரங்கள் ஆகிவிட்டது - அதில் குறைந்தபட்சம் படுக்கை வசதியை ஏற்படுத்தி சிகிச்சை அளிக்கும் ஏற்பாடுகளை இதுவரை செய்யவில்லையே ஏன்? என்றும் கேள்வி எழுப்பியுள்ளார்.

நோய் பரவத் தொடங்கிய காலங்களில் அரசு தினசரி வெளியிடும் மருத்துவ குறிப்பில், எவ்வளவு படுக்கை வசதிகள் தயார் நிலையில் உள்ளன என்று சொல்லிவந்தார்கள் - கடந்த பல வாரங்களாக அந்த விவரத்தைச் சொல்வதையே தவிர்ப்பதன் காரணம் என்ன? என திரு.டிடிவி தினகரன் வினவியுள்ளார்.

பழனிசாமி அரசின் இந்த செயலற்ற தன்மையால் நொந்துபோய் தனியார் மருத்துவமனைகளை நாடுபவர்களுக்கு அங்கேயும் அதிர்ச்சிதான் காத்திருக்கிறது - பல தனியார் மருத்துவமனைகள் கொரோனா சிகிச்சைக்கு நாளொன்றுக்கு குறைந்தது 25 ஆயிரம் முதல் ஒரு லட்சம் வரை கட்டணம் வசூலித்து ஒரு பகல்கொள்ளையே நடத்துகின்றன - அதைத்தடுக்க வேண்டிய மாநில அரசு வேடிக்கை மட்டுமே பார்க்கிறது - பேரிடர்கால சட்டத்தைப் பயன்படுத்தி தனியார் மருத்துவமனைகள் கொரோனா சிகிச்சைக்கு பெறவேண்டிய கட்டண வரம்பை ஆந்திரா போன்ற மாநிலங்கள் நிர்ணயித்திருக்கும்போது, தமிழக அரசு அதைச் செய்யத் தயங்குவதன் மர்மம் என்ன? என்றும் திரு.டிடிவி தினகரன் கேள்வி எழுப்பியுள்ளார்.

இப்படி எத்தனையோ கேள்விகள் எழுந்தாலும் எவற்றுக்கும் பதில்சொல்லும் மனநிலை தமிழக அரசுக்கு இல்லை என்பது வெட்கக்கேடானது - இந்த மனநிலையை மாற்றிக்கொண்டு, நோய்த்தொற்று அதிகரித்துவருவதை உணர்ந்து போர்க்கால அடிப்படையில் சிகிச்சைக்கான முன்னேற்பாடுகளை இனிமேலாவது அரசு செய்ய வேண்டும் - சென்னை மாநகரில் நோய்த்தொற்றுக்கு ஆளாகும் நபர்கள் எந்தெந்தப் பகுதிகளில் சிகிச்சைபெற எவ்வளவு வசதிகள் உள்ளது என்பதை வெளிப்படையாக அறிவித்து, மக்களின் அச்சத்தைப் போக்க வேண்டும் என்று தமிழக அரசை திரு.டிடிவி தினகரன் வலியுறுத்தியுள்ளார்.
செய்தி வீடியோ
சமீபத்திய தமிழ் செய்திகள்

Comment Here
Comments
  • MEDHUVA PESUNGA

    Mon - Fri : 06:57

  • KELVIGAL AAYIRAM

    Mon,Tue,Wed,Thu,Fri,Sat : 18:00

  • MAKKALODU MAKKAL SELVAR

    Sun,Mon,Tue,Wed,Thu,Fri,Sat : 22:00

  • ACHUM ASALUM

    Mon - Fri : 09:30

முக்கிய செய்திகள்
சிறப்பு செய்திகள்
கரன்சி நிலவரம்
நாடு இன்றைய விலை
அமெரிக்கா (டாலர்)
ஐரோப்பா (யூரோ)
பிரிட்டன் (பவுண்டு)
ஆஸ்திரேலியா (டாலர்)
சிங்கப்பூர் (டாலர்)
ஹாங்காங் (டாலர்)
தங்கம் விலை நிலவரம்
நகரம்
22 காரட்
24 காரட்
  1கி் 1கி்
சென்னை Rs. 4153.00 RS. 4361.00
மும்பை Rs. 3975.00 Rs. 4075.00
டெல்லி Rs. 3980.00 Rs. 4100.00
கொல்கத்தா Rs. 4009.00 Rs. 4149.00
வெள்ளி விலை நிலவரம்
நகரம் 1 கிராம் 1 கிலோ
சென்னை Rs. 50.10 Rs. 50100.00
மும்பை Rs. 50.10 Rs. 50100.00
டெல்லி Rs. 50.10 Rs. 50100.00
கொல்கத்தா Rs. 50.10 Rs. 50100.00