மதுரை ரயில் நிலையத்தில் "வெட்டிங் சூட்" எடுக்க ரூ.5,000 கட்டணம் : மதுரை கோட்ட ரயில்வே நிர்வாகம் ட்விட்டர் பக்கத்தில் அறிவிப்பு
Jun 10 2023 12:31PM
எழுத்தின் அளவு:
அ +
அ -
அ
மதுரை ரயில் நிலையத்தில் திருமண தம்பதிகள் போட்டோ சூட் எடுக்க மதுரை கோட்ட ரயில்வே நிர்வாகம் அனுமதி வழங்கியுள்ளது. இந்திய ரயில்வே துறையின் வருவாய் பிரிவு சார்பில் பல்வேறு ரயில் நிலையங்களில் வருவாயை பெருக்க பல்வேறு முயற்சிகள் மேற்கொள்ளப்பட்டு வருகின்றன. அதன்படி, தற்போது இளைஞர்கள் மத்தியில் பிரபலமாக அறியப்பட்டு வரும் வெட்டிங் சூட் அல்லது விளம்பரதாரர்கள் புகைப்படங்கள் எடுப்பதற்கு தெற்கு ரயில்வே கடந்தாண்டு அனுமதி வழங்கியது. அந்த வகையில், முதற்கட்டமாக மதுரை ரயில் நிலையத்தில் புதுமண தம்பதியர் 5 ஆயிரம் ரூபாய் கட்டணம் செலுத்தி புகைப்படங்கள், வீடியோக்கள் எடுக்க மதுரை கோட்ட ரயில்வே நிர்வாகம் தனது ட்விட்டர் பக்கத்தில் தெரிவித்துள்ளது.