Jaya Plus News

எழுத்தின் அளவு: அ+ அ- அ

தமிழகம் மற்றும் புதுச்சேரியில் குரு பெயர்ச்சியை முன்னிட்டு பல்வேறு கோயில்களில் சிறப்பு பூஜைகள் நடைபெற்றன. இதில் ஏராளமான பக்தர்கள் கலந்து கொண்டு சாமி தரிசனம் செய்தனர்.

Roll visuals

திருவொற்றியூர் வட குரு ஸ்தலமான தட்சிணாமூர்த்தி கோயிலில் குரு பெயர்ச்சி வெகு விமரிசையாக நடைபெற்றது. முன்னதாக தட்சிணா மூர்த்திக்கு 108 மூலிகைகள் மற்றும் விசேஷ அபிஷேகம் செய்யப்பட்டு மகா தீபாராதனை காண்பிக்கப்பட்டது. இதில் ஏராளமான பக்தர்கள் நீண்ட வரிசையில் காத்திருந்து சாமி தரிசனம் செய்தனர்.

கள்ளக்குறிச்சி மாவட்டம் திருக்கோவிலூர் எல்லைக்குட்பட்ட கீழையூர் பகுதியில் அமைந்துள்ள வீரட்டானேஸ்வரர் ஆலய வளாகத்தில் உள்ள குரு பகவானுக்கு சிறப்பு அபிஷேகம் மற்றும் ஆராதனை செய்யப்பட்டது. இதில் சுற்றுவட்டார பகுதியிலிருந்து ஏராளமான பக்தர்கள் கலந்து கொண்டு சாமி தரிசனம் செய்தனர்.

திருவண்ணாமலை ஸ்ரீ வேதநாத ஈஸ்வரர் கோயிலில் அமைந்துள்ள குருயோக தட்ஷிணாமூர்த்தி கோவிலில் குரு பெயர்ச்சி மஹா யாகம் வெகு விமரிசையாக நடைபெற்றது. 9 அடி உயரம் கொண்ட குருயோக தட்ஷிணாமூர்த்திக்கு பால், பழம் உள்ளிட்ட பல்வேறு வாசனை திரவியங்களை கொண்டு சிறப்பு அபிஷேகங்கள் நடைபெற்றது. பின்னர் பூ மாலை அலங்காரத்துடன் மகா தீபாரதனை காண்பிக்கப்பட்டது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர்.

திருப்பூர் மாவட்டம் பல்லடம் அருகே கோளறுபதி நவக்கிரக கோட்டை கோவிலில் குரு பெயர்ச்சி லட்சார்ச்சனை விழா ஆயிரத்து 8 தீர்த்த கலச அபிஷேக பூஜையுடன் தொடங்கியது. கோவை மற்றும் திருப்பூர் மாவட்டத்தில் இருந்து ஏராளமான பக்தர்கள் விழாவில் பங்கேற்று புனித தீர்த்தத்தால் குருபகவானுக்கு பரிகாரம் செய்து வழிபாடு நடத்தினர்.

மதுரை மாவட்டம் சோழவந்தான் பிரளயநாத சிவன் கோவிலில் நடைபெற்ற குருபெயர்ச்சி விழாவில் ஏராளமான பக்தர்கள் பங்கேற்று சாமி தரிசனம் செய்தனர். புனித நீர் குடங்களுடன் கோவிலை வலம் வந்து குரு பகவானுக்கு சிறப்பு அபிஷேக ஆராதனை நடைபெற்றது. இதில் ஏராளமான பக்தர்கள் கலந்து கொண்டு குரு பகவானை தரிசித்தனர்.

காஞ்சிபுரத்தில் உள்ள பிள்ளையார்பாளையம் பகுதியில் அமைந்துள்ள கமலாம்பிகை சமேத ஸ்ரீ காயரோகணேஷ்வரர் கோவிலில் குருபெயர்ச்சி விமரிசையாக நடைபெற்றது. உற்சவர் குரு பகவான் பல்வேறு மலர்களால் அலங்கரிக்கப்பட்டு வெள்ளை யானை வாகனத்தில் எழுந்தருளி பக்தர்களுக்கு காட்சியளித்தார். குரு பெயர்ச்சியையொட்டி ஏராளமான பக்தர்கள் சிறப்பு அர்ச்சனை செய்து வழிபட்டனர்.

திண்டுக்கல் அபிராமி அம்மன் கோவிலில் குரு பெயர்ச்சியை முன்னிட்டு தட்சிணாமூர்த்திக்கு சிறப்பு அபிஷேக அலங்காரம் நடைபெற்றது. தக்ஷிணாமூர்த்திக்கு மஞ்சள், பால் உள்ளிட்ட 16 வகையான அபிஷேகங்கள் நடைபெற்றது. இதை தொடர்ந்து சுவாமிக்கு வெள்ளி கவசம் அணிவித்து மலர்களால் அலங்கரிக்கப்பட்டு மகா தீபாராதனை காண்பிக்கப்பட்டது. பக்தர்கள் பிரசாதமாக செலுத்திய சுண்டல் மற்றும் உலர்ந்த திராட்சைகளை கொண்ட மாலை சுவாமிக்கு அணிவிக்கப்பட்டது.

காரைக்காலில் உள்ள ஸ்ரீ தேனாமிர்தவல்லி சமேத ஸ்ரீ யாழ்முரி நாத சுவாமி கோயிலில் குரு பெயர்ச்சி விழா வெகு விமரிசையாக நடந்தது. சுவாமி, அம்பாள் மற்றும் தட்சணாமூர்த்திக்கு அபிஷேகம் நடைபெற்றது. வெள்ளி அங்கி அலங்காரம் செய்து சிறப்பு ஆராதனைகள் செய்யப்பட்டன. ஏராளமான பக்தர்கள் பங்கேற்று வழிபாடு செய்தனர்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

குரு பெயர்ச்சியை முன்னிட்டு பல்வேறு கோயில்களில் சிறப்பு பூஜைகள்

All Categories

தொடர்பான செய்திகள்

ஆன்மீகம்

நெல்லை : நம்பி கோவிலுக்குச் செல்ல 4-வது நாளாக தடை

ஆன்மீகம்

சபரிமலைக்கு வரும் வாகனங்களுக்கு கட்டுப்பாடு

ஆன்மீகம்

வனத்துறையினர் கண்காணிப்பில் "திருச்செந்தூர் கோயில் யானை"...

ஆன்மீகம்

திருச்செந்தூர் கோயில் யானை மிதித்து 2 பேர் பலி

ஆன்மீகம்

கார்த்திகை மாத பிறப்பு - சபரிமலை ஐயப்பன் கோயிலில் குவியும் பக்தர்கள்...

சமீபத்திய செய்திகள்

க்ரைம்

விமானத்தில் கடத்திவரப்பட்ட 3 கிலோ உயர்ரக கஞ்சா பறிமுதல் - இளம் பெண்ணை கைது...

இந்தியா

வயநாட்டில் பிரியங்கா காந்தி வெற்றி

வீடியோக்கள்

மகாராஷ்டிரா, ஜார்க்கண்ட் தேர்தல் முடிவுகள் - சிறப்பு நிகழ்ச்சி - தொகுப்பு 3...

இந்தியா

"காங்கிரஸ் மீதான குற்றச்சாட்டுகளுக்கு முடிவு கட்டுப்பட்டு விட்டது" - டி.கே. சிவக்குமார் கருத்து...

க்ரைம்

விமானத்தில் கடத்திவரப்பட்ட 3 கிலோ உயர்ரக கஞ்சா பறிமுதல் - இளம் பெண்ணை கைது...

Get In Touch

Contact Info