Jaya Plus News

எழுத்தின் அளவு: அ+ அ- அ

டெல்லி சட்டப்பேரவை தேர்தல் வாக்கு எண்ணிக்கையில் 40 இடங்களில் பாஜக வெற்றி பெற்றுள்ளதாகவும், 8 இடங்களில் முன்னிலையில் இருப்பதாகவும் தேர்தல் ஆணையம் அதிகாரப்பூர்வமாக அறிவித்துள்ளது. இதன் மூலம் 27 ஆண்டுகளுக்குப் பிறகு தலைநகரில் பாஜக ஆட்சி அமையவுள்ளது. ஆளும் கட்சியாக இருந்த ஆம் ஆத்மி 18 இடங்களை மட்டுமே கைப்பற்றியுள்ளது.

மொத்தம் 70 தொகுதிகள் கொண்ட டெல்லியில் ஆம் ஆத்மி கட்சியை சேர்ந்த முதலமைச்சர் அதிஷி தலைமையில் ஆட்சி நடைபெற்று வந்தது. பதவிக் காலம் நிறைவடைந்ததை முன்னிட்டு, டெல்லி சட்டப்பேரவைக்கு தேர்தல் அறிவிக்கப்பட்டது. ஆளும் ஆம் ஆத்மி, பாஜக, காங்கிரஸ் கட்சிகள் இடையே மும்முனை போட்டி நிலவியது. இந்த தேர்தலில் முன்னாள் முதலமைச்சர் அரிவிந்த கெஜ்ரிவால், தற்போதைய முதலமைச்சர் அதிஷி உள்பட 699 வேட்பாளர்கள் போட்டியிட்டனர்.

ஆம் ஆத்மி, காங்கிரஸ் ஆகிய கட்சிகள் அனைத்து இடங்களிலும் தனித்து களமிறங்கிய நிலையில், முக்கிய எதிர்க்கட்சியான பாஜக 68 தொகுதிகளில் போட்டியிட்டது. கூட்டணி கட்சிகளான ஐக்கிய ஜனதா தளம் மற்றும் லோக்தந்திரிக் ஜன சக்தி கட்சிகள் தலா ஒரு தொகுதியில் போட்டியிட்டன.

அனல் பறந்த தேர்தல் பிரச்சாரத்தை அடுத்து, டெல்லி சட்டப்பேரவைக்கு கடந்த 5ம் தேதி ஒரே கட்டமாக வாக்குப்பதிவு நடைபெற்றது. இதில் 60.54 சதவீத வாக்குகள் பதிவாகின. வாக்குப்பதிவின் போது 13 ஆயிரத்து 767 வாக்குச்சாவடிகளில் பயன்படுத்தப்பட்ட வாக்குப்பதிவு இயந்திரங்கள் 70 வாக்கு எண்ணும் மையங்களில் 3 அடுக்கு பாதுகாப்புடன் வைக்கப்பட்டிருந்தன. இந்த தேர்தலில் பாஜக வெற்றி பெற்று ஆட்சி அமைக்கும் என்று பெரும்பாலான தேர்தலுக்குப் பிந்தையை கருத்துக் கணிப்புகள் தெரிவித்தன.

இந்நிலையில், பெரும் எதிர்பார்ப்புக்கு மத்தியில் டெல்லி சட்டமன்ற தேர்தலில் பதிவான வாக்குகளை எண்ணும் பணி இன்று காலை 8 மணிக்கு துவங்கி நடைபெற்று வருகிறது. வாக்கு எண்ணிக்கைக்காக 19 மையங்கள் திறக்கப்பட்டு 5 ஆயிரத்துக்கும் மேற்பட்டோர் வாக்கு எண்ணும் பணியில் ஈடுபட்டுள்ளனர். வாக்கு எண்ணிக்கை துவங்கியதில் இருந்தே பாஜக முன்னிலையில் இருந்து வருகிறது.

மொத்தமுள்ள 70 தொகுதிகளில், ஆட்சி அமைக்க 36 தொகுதிகளில் வெற்றி பெற வேண்டும். இந்நிலையில் தற்போதைய நிலவரப்படி பாஜக 40 இடங்களில் வெற்றி பெற்றிருப்பதாகவும், 8 இடங்களில் முன்னிலையில் இருப்பதாகவும் தேர்தல் ஆணையம் அதிகாரப்பூர்வமாக அறிவித்துள்ளது.

4-வது முறையாக ஆட்சி அமைக்குமா? என்று எதிர்பார்க்கப்பட்ட ஆம் ஆத்மி கட்சி 18 இடங்களில் வெற்றி பெற்றுள்ளதாகவும், 4 இடங்களில் முன்னிலையில் இருப்பதாகவும் அறிவிக்கப்பட்டுள்ளது. காங்கிரஸ் கட்சி போட்டியிட்ட அனைத்து இடங்களிலும் பின்னடைவை சந்தித்து, தொடர்ச்சியாக மூன்றாவது முறையாக ஒரு தொகுதியை கூட கைப்பற்றாமல் தோல்வியை சந்தித்துள்ளது.

கடந்த 2013ம் ஆண்டு தேர்தலில் காங்கிரஸ் ஆதரவுடன் ஆட்சி அமைத்த ஆம் ஆத்மி கட்சி, கடந்த 2015-ம் ஆண்டு நடைபெற்ற தேர்தலில் பெரும் வெற்றியைப் பெற்றது. மொத்தமுள்ள 70 தொகுதிகளில் 67-ல் வெற்றி பெற்றது. 2020-ம் ஆண்டு நடைபெற்ற தேர்தலில், 62 தொகுதிகளில் வென்று ஆம் ஆத்மி மீண்டும் ஆட்சியைப் பிடித்த நிலையில், இந்த முறை அந்த கட்சி ஆட்சியை பறிகொடுத்துள்ளது.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

டெல்லி சட்டமன்ற தேர்தலில் பாஜக 40 இடங்களில் வெற்றி பெற்றதாக அதிகாரப்பூர்வ அறிவிப்பு

All Categories

தொடர்பான செய்திகள்

இந்தியா

2 நாள் பயணமாக மொரீசியஸ் சென்ற பிரதமர் மோடிக்கு அந்நாட்டு பிரதமர் மற்றும் அதிகாரிகள் உற்சாக வரவேற்பு..!...

இந்தியா

நீட் விண்ணப்பத்தில் திருத்தம் செய்ய இன்று கடைசி நாள்...

இந்தியா

இந்துக்களை நிதி ரீதியாக உயர்த்த புதிய முயற்சி - மகாராஷ்டிர அமைச்சர் நிதேஷ் ரானே...

இந்தியா

உடல் எடை குறைக்க 6 மாதங்களாக தண்ணீர் மட்டுமே குடித்து வந்த கேரள பெண் உயிரிழப்பு...

இந்தியா

மொரீஷியஸ் புறப்பட்டார் பிரதமர் மோடி

சமீபத்திய செய்திகள்

தமிழகம்

தமிழகத்தின் பல்வேறு மாவட்டங்களில் கனமழை ..!

தமிழகம்

தமிழகத்தின் பல்வேறு மாவட்டங்களில் கொட்டித் தீர்த்த கனமழை..!...

தமிழகம்

தமிழகம்

தேங்கிய மழை நீரில் தவறி விழுந்த குழந்தை..!

தமிழகம்

தமிழகத்தின் பல்வேறு மாவட்டங்களில் கனமழை ..!

Get In Touch

Contact Info