Jaya Plus News

எழுத்தின் அளவு: அ+ அ- அ

புதுச்சேரியில் பாலியல் துன்புறுத்தலுக்கு ஆளாகி கொடூரமாக கொலை செய்யப்பட்ட சிறுமியின் உடல், ஊர்வலமாக எடுத்துச் செல்லப்பட்டு அடக்கம் செய்யப்பட்டது.

புதுச்சேரி முத்தியால்பேட்டை சோலை நகர் பகுதியை சேர்ந்த 9 வயது சிறுமி கடந்த 2-ம் தேதி மதியம் வீட்டருகே விளையாடிக் கொண்டிருந்தபோது மாயமானார். இது குறித்து பெற்றோர் அளித்த புகாரின் பேரில் முத்தியால்பேட்டை போலீசார் வழக்குப்பதிந்து சிறுமியை தேடி வந்தனர். இந்த நிலையில் கடந்த செவ்வாய் கிழமை சிறுமியின் உடல் வீட்டின் அருகே உள்ள சாக்கடையில் கை, கால்கள் கட்டப்பட்ட நிலையில் மீட்கப்பட்டது. இந்த சம்பவம் பலரது நெஞ்சையும் உலுக்கியது.

இது தொடர்பாக 19 வயது இளைஞர் கருணாஸ் மற்றும் 57 வயதான விவேகானந்தன் ஆகியோரை பிடித்து போலீசார் விசாரணை மேற்கொண்டதில், சிறுமியை பாலியல் துன்புறுத்தலுக்கு ஆளாக்கி கொலை செய்தது தெரியவந்தது.

இந்த நிலையில், சிறுமி கொலை வழக்கில் முழு விசாரணை நடத்த, ஐ.பி.எஸ். அதிகாரி கலைவாணன் தலைமையில் சிறப்புக் குழு ஒன்றை புதுச்சேரி அரசு நேற்று அமைத்தது. இதையடுத்து சிறுமி கொலை வழக்கு ஆவணங்களை சிறப்புக் குழு பெற்றுக்கொண்டு, விசாரணையை இன்று காலை தொடங்கியுள்ளது. சந்தேகத்தின் பேரில் போலீஸ் காவலில் இருக்கும் மற்ற 5 நபர்களிடம் சிறப்பு புலனாய்வு குழு விசாரணை மேற்கொண்டு வருகிறது. மேலும் குற்றவாளிகள் 2 பேர், சந்தேகத்தின் பேரில் விசாரணையில் உள்ள 5 பேரின் ரத்த மாதிரிகள், ஜிப்மர் மருத்துவமனைக்கு அனுப்பி வைக்கப்பட்டுள்ளது.

இதனிடையே சிறுமி கொலை செய்யப்பட்டது தொடர்பாக புதுச்சேரி துணை நிலை ஆளுநர் தமிழிசை சௌந்தரராஜன், டிஜிபி மற்றும் டிஐஜி ஆகியோர் உடன் ஆளுநர் மாளிகையில் அவசர ஆலோசனை நடத்தினார். சிறுமி கொலை வழக்கில் மெத்தனமாக செயல்பட்ட முத்தியால்பேட்டை காவல் நிலைய ஆய்வாளர் பணியிட மாற்றம் செய்யப்பட உள்ளார் எனவும், காவல் நிலையத்தில் உள்ள மற்ற காவலர்கள் குறித்து விசாரணைக்கு பின் நடவடிக்கை எடுக்கப்படும் எனவும் துணை நிலை ஆளுநர் தமிழிசை சௌந்தரராஜன் தெரிவித்துள்ளார்.

இதையடுத்து, சிறுமியின் உடல் முத்தியால் பேட்டையில் உள்ள வீட்டில் இருந்து இன்று ஊர்வலமாக எடுத்துச் செல்லப்பட்டு, பாப்பம்மாள் கோயில் பகுதியில் உள்ள மயானத்தில் நல்லடக்கம் செய்யப்பட்டது. இறுதிச் சடங்கில் கலந்து கொண்ட ஏராளமான பொதுமக்கள் சிறுமியின் உடலுக்கு அஞ்சலி செலுத்தினர். சிறுமியை அடக்கம் செய்யும்போது அவரது பள்ளி பை, கரடி பொம்மை உள்ளிட்டவைகளும் சேர்த்து அடக்கம் செய்யப்பட்டது காண்போரை கண் கலங்கச் செய்தது.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

புதுச்சேரி - சிறுமி உடல் நல்லடக்கம் - உடலுடன் சேர்த்து பொம்மைகள், புத்தகப்பை உள்ளிட்டவைகள் புதைப்பு

All Categories

தொடர்பான செய்திகள்

இந்தியா

மகாராஷ்டிரா - மகாயுதி கூட்டணி நல்லாட்சிக்கு மீண்டும் கிடைத்த வெற்றி - பிரதமர் மோடி வாழ்த்து...

இந்தியா

வயநாட்டில் பிரியங்கா காந்தி வெற்றி

இந்தியா

"காங்கிரஸ் மீதான குற்றச்சாட்டுகளுக்கு முடிவு கட்டுப்பட்டு விட்டது" - டி.கே. சிவக்குமார் கருத்து...

இந்தியா

ஏக்நாத் ஷிண்டேவுக்கு அமித் ஷா வாழ்த்து

இந்தியா

சொன்னதை செய்து காட்டியுள்ளோம் - முதலமைச்சர் ஏக்நாத் ஷிண்டே பெருமிதம்...

சமீபத்திய செய்திகள்

க்ரைம்

விமானத்தில் கடத்திவரப்பட்ட 3 கிலோ உயர்ரக கஞ்சா பறிமுதல் - இளம் பெண்ணை கைது...

இந்தியா

வயநாட்டில் பிரியங்கா காந்தி வெற்றி

வீடியோக்கள்

மகாராஷ்டிரா, ஜார்க்கண்ட் தேர்தல் முடிவுகள் - சிறப்பு நிகழ்ச்சி - தொகுப்பு 3...

இந்தியா

"காங்கிரஸ் மீதான குற்றச்சாட்டுகளுக்கு முடிவு கட்டுப்பட்டு விட்டது" - டி.கே. சிவக்குமார் கருத்து...

க்ரைம்

விமானத்தில் கடத்திவரப்பட்ட 3 கிலோ உயர்ரக கஞ்சா பறிமுதல் - இளம் பெண்ணை கைது...

Get In Touch

Contact Info