Jaya Plus News

எழுத்தின் அளவு: அ+ அ- அ

ஹரியானாவில் கடந்த 10 ஆண்டுகளாக தொடர்ச்சியாக ஆட்சியில் இருந்த பாஜக அரசு, இந்த சட்டப்பேரவை தேர்தலிலும் தனி பெரும்பான்மையாக வெற்றி பெற்று 3-வது முறையாக ஆட்சியைக் கைப்பற்றி, ஹாட்ரிக் அடித்துள்ளது.

ஹரியானா தேர்தல் முடிவுகள் தற்போது முழுவதுமாக வெளியாகி உள்ளது. கடந்த 10 ஆண்டுகளாக ஆட்சியில் இருந்த பாஜக மீண்டும் வெற்றி பெற்றுள்ளது. மொத்தம் 90 சட்டப்பேரவை தொகுதிகளை கொண்ட ஹரியானா தேர்தலில், பாஜக 49 இடங்களிலும், காங்கிரஸ் 35 இடங்களிலும் வெற்றி பெற்றுள்ளன. 1966-ல் இருந்து ஹரியானாவில் இதுவரை எந்த அரசியல் கட்சியும் தொடர்ந்து மூன்று முறை வெற்றி பெற்றதில்லை என கூறப்படுகிறது.

இந்த தேர்தலில் காங்கிரஸ் கட்சி வெற்றி பெறும் என்று அனைவரும் எதிர்பார்த்த நிலையில், பாஜக தனி பெரும்பான்மையாக வெற்றி பெற்று ஹாட்ரிக் சாதனையை படைத்துள்ளது.

ஜாட் சமூகத்தில் உள்ள பலர் காங்கிரஸ் கட்சிக்கு வாக்களிக்க வேண்டாம் என்று தேர்வு செய்ததால் பாஜக சிறப்பாக வெற்றி பெற முடிந்ததாக கூறப்படுகிறது. ஜாட் சமூகத்தினர் அதிகம் வசிக்கும் 36 இடங்களில் 19 இடங்களில் பாஜக வெற்றி பெற்றுள்ளது. கடந்த மக்களவை தேர்தலில் ஜாட் தலைவர் பூபிந்தர் சிங் ஹூடா தலைமையிலான காங்கிரஸ் 27 இடங்களில் வெற்றி பெற்றது. தற்போது, துஷ்யந்த் சவுதாலா தலைமையிலான ஜனநாயக ஜனதா கட்சியின் ஆதரவை பாஜக பெற்றிருந்ததே இந்த வெற்றிக்கு காரணம் என அரசியல் விமர்சகர்கள் தெரிவித்துள்ளனர்.

இணைய நிறுவனங்களுக்கு பெயர் பெற்ற குருகிராம் நகரமும் பாஜகவை ஆதரித்துள்ளது. தேர்தலுக்கு ஒரு வருடம் முன்பு ஹரியானா முதல்வராக பதவியேற்ற நயாப் சிங் சைனி தலைமையில் ஒரு அணியாக இணைந்து செயல்பட்டது தான் பாஜகவின் வெற்றிக்கு காரணம் என கூறப்படுகிறது. மறுபுறம், காங்கிரஸ் கட்சி தாங்கள் வெற்றி பெறுவோம் என்பதில் உறுதியாக இருந்ததால், யாருக்கு என்ன கிடைக்கும் என்று தங்களுக்குள் நிறைய வாக்குவாதங்கள் நடந்து முடிந்தது. அதே வேளையில் முதலமைச்சருக்கான தங்களின் முக்கிய தேர்வு நயாப் சிங் சைனிதான் என்றும் உண்மையில் வேறு யாரும் போட்டியாக பார்க்கப்படவில்லை என்றும் பாஜக தெளிவுபடுத்தியதும் பாஜகவின் வெற்றிக்கு வித்திட்டது என்றே கூறலாம்.

இதற்கிடையே காங்கிரஸில் கடந்த 2005 முதல் 2014 வரை முதல்வராக இருந்த பூபிந்தர் சிங் ஹூடா, மீண்டும் முதல்வர் வேட்பாளராக விரும்பினார். ஹரியானா காங்கிரஸ் கட்சியில் குமாரி செல்ஜா, ரந்தீப் சுர்ஜேவாலா மற்றும் பூபிந்தர் ஹூடாவின் மகனான தீபேந்தர் ஹூடா ஆகியோர் முக்கியமான தலைவர்களாக கருதப்பட்டனர். காங்கிரஸ் வெற்றி பெற்றால் முதலமைச்சராக வருவதற்கான வாய்ப்பு அதிகம் என்பதை உறுதி செய்ய வேண்டும் என்ற முனைப்புடனே பூபிந்தர் ஹூடா தேர்தலில் களப்பணியாற்றியுள்ளார்.

இந்த விவகாரங்கள் அனைத்தும் ஹரியானாவில் பாஜக தொடர்ந்து மூன்றாவது முறையாக தேர்தலில் வெற்றி ஹாட்ரிக் சாதனை படைக்க உதவியது என அரசியல் விமர்சகர்கள் கருத்து தெரிவித்துள்ளனர்.

இதனிடையே ஹரியானா தேர்தல் முடிவுகள் ஏற்றுக்கொள்ள முடியாத ஒன்று என காங்கிரஸ் பொதுச்செயலாளர் ஜெய்ராம் ரமேஷ் கருத்து தெரிவித்துள்ளார். தேர்தல் முடிவுகளை தேர்தல் ஆணையத்தின் கவனத்திற்கு கொண்டு செல்வோம் என்றும் ஜெய்ராம் ரமேஷ் கூறியுள்ளார்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

ஹரியானாவில் வெற்றி பெற்று ஹாட்ரிக் அடித்தது பாஜக

All Categories

தொடர்பான செய்திகள்

இந்தியா

புதுச்சேரியில் பாக்கெட் சாராயம் விற்க தடை

இந்தியா

இந்தியாவும் மலாவியும் 60 ஆண்டுகால இராஜதந்திர உறவுகளை நிறைவு செய்துள்ளது - திரௌபதி முர்மு...

இந்தியா

கொலை வழக்கில் ஜாமீன் கோரி நடிகர் தர்ஷன் பெங்களூரு உயர்நீதிமன்றத்தில் மனு தாக்கல்...

இந்தியா

ஆந்திராவில் பெய்து வரும் கனமழையால் மக்கள் அச்சம்...

இந்தியா

காற்றழுத்த தாழ்வு மண்டலம் ஆந்திரா அருகே கரையை கடந்தது - இந்திய வானிலை ஆய்வு மையம்...

சமீபத்திய செய்திகள்

தமிழகம்

போல்ட் நட்டை கழற்றியது வெளியாட்கள் அல்ல.

தமிழகம்

நீட் பயிற்சி உரிமையாளர் மீது 3 பிரிவுகளில் வழக்கு...

தமிழகம்

திமுக அரசு ஏழை எளிய மக்களுக்கானது இல்லை - புரட்சித்தாய் சின்னம்மா...

தமிழகம்

'கால்வாய்களை முறையாக தூர்வாராதது ஏன்' - அஇஅதிமுக பொதுச்செயலாளர் புரட்சித்தாய் சின்னம்மா கேள்வி...

தமிழகம்

போல்ட் நட்டை கழற்றியது வெளியாட்கள் அல்ல.

Get In Touch

Contact Info