Jaya Plus News

எழுத்தின் அளவு: அ+ அ- அ

உலகெங்கிலும் வாழும் தமிழர்கள் அனைவருக்கும் அ.இ.அ.தி.மு.க. பொதுச்செயலாளர் புரட்சித்தாய் சின்னம்மா இதயம் கனிந்த தமிழ் புத்தாண்டு நல் வாழ்த்துகளை மகிழ்ச்சியோடு தெரிவித்துக் கொண்டுள்ளார்.

அ.இ.அ.தி.மு.க. பொதுச்செயலாளர் புரட்சித்தாய் சின்னம்மா வெளியிட்டுள்ள தமிழ் புத்தாண்டு தின வாழ்த்து செய்தியில், புத்தம் புது நம்பிக்கைகளுடன் மலருகின்ற இந்தப்புத்தாண்டில், உலகத் தமிழர்கள் அனைவருக்கும் தன் இதயம் கனிந்த தமிழ்ப் புத்தாண்டு நல் வாழ்த்துகளை மகிழ்ச்சியோடு தெரிவித்துக் கொள்வதாக தெரிவித்துள்ளார்.

காலங்கள் பல மாறினாலும், கண்டம் பல அழிந்தாலும் அழியாத சிறப்புடைய தொன்மையான மொழியாக விளங்கும் தமிழ் மொழியை பேசுகின்ற தமிழ் மக்கள், பன்னெடுங்காலமாய் பருவங்களின் சுழற்சியினையும், வான் சாஸ்திர கோட்பாடுகளையும் ஆய்ந்து அறிந்து, அதன் அடிப்படையில் ஆண்டாண்டு காலமாய் சித்திரை முதல் நாளையே தமிழ்ப் புத்தாண்டாக கொண்டாடி மகிழ்ந்து வருவதாக புரட்சித்தாய் சின்னம்மா குறிப்பிட்டுள்ளார்.

அவ்வாறு தொன்றுதொட்டு இருந்து வந்த இந்த நடைமுறை மாற்றப்பட்டதை சரி செய்து, முன்னோர் வகுத்த வழிமுறையின்படி சித்திரை முதல் நாளே தமிழ்ப் புத்தாண்டு திருநாளாய் தொடரும் என்பதை புரட்சித்தலைவி அம்மா மீண்டும் நிலைநாட்டியதை இத்தருணத்தில் எண்ணி மகிழ்வதாக புரட்சித்தாய் சின்னம்மா தெரிவித்துள்ளார்.

'பெண்கள் அறிவை வளர்த்தால் வையம் பேதைமை யற்றிடும் காணீர்!' - என்ற பாரதியாரின் அமுத மொழிக்கேற்ப, பெண் எழுத்தாளர்களைப் பெருமைப்படுத்தும் வகையில், மகளிர் இலக்கியங்களைப் படைப்பதில் தம்மை முழுமையாக ஈடுபடுத்தித் தொண்டாற்றி வரும் பெண் படைப்பாளர் ஒருவருக்கு 'அம்மா இலக்கிய விருது' என்ற சிறப்புமிக்க விருதுடன் ஒரு லட்சம் ரூபாய் பண முடிப்பும், தகுதியுரையும் சேர்த்து, ஒவ்வொரு ஆண்டும் சித்திரைத் திங்கள் தமிழ்ப் புத்தாண்டு நாளில் வழங்க செய்ததை பெருமிதத்துடன் எண்ணிப்பார்ப்பதாக புரட்சித்தாய் சின்னம்மா குறிப்பிட்டுள்ளார்.

இந்த சிறப்புமிக்க நன்னாளில், அனைவரும் எல்லா வளமும், நலமும் பெற்று, வேற்றுமைகள் அகன்று, அன்பால் ஒன்றிணைந்து, மகிழ்ச்சியான வாழ்வு பெற, எல்லாம் வல்ல ஆண்டவனை வேண்டுவதாக புரட்சித்தாய் சின்னம்மா தெரிவித்துள்ளார்.

உலகெங்கிலும் வாழும் தமிழ் பேசும் அன்பு நெஞ்சங்களுக்கு, மீண்டும் ஒருமுறை தன் இனிய தமிழ்ப் புத்தாண்டு நல் வாழ்த்துகளை மகிழ்ச்சியோடு தெரிவித்துக் கொள்வதாக அ.இ.அ.தி.மு.க. பொதுச்செயலாளர் புரட்சித்தாய் சின்னம்மா குறிப்பிட்டுள்ளார்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

உலகத் தமிழர்கள் அனைவருக்‍கும் புரட்சித்தாய் சின்னம்மா தமிழ்ப் புத்தாண்டு தின வாழ்த்து

All Categories

தொடர்பான செய்திகள்

தமிழகம்

புரட்சித்தாய் சின்னம்மா குற்றச்சாட்டு... செயல்பட தொடங்கிய விளம்பர அரசு...

தமிழகம்

பள்ளி விடுமுறை - தலைமை ஆசிரியர்களே முடிவெடுக்கலாம்”...

தமிழகம்

மோசமான வானிலை - விமானம் தரையிறக்கம்

தமிழகம்

சென்னையில் ஆபரணத் தங்கத்தின் விலை உயர்ந்து

தமிழகம்

சிபிஎஸ்இ பொதுத்தேர்வு அட்டவணை வெளியீடு

சமீபத்திய செய்திகள்

சினிமா

தனுஷ்- ஐஸ்வர்யா விவாகரத்து வழக்கில் நவ. 27-ல் தீர்ப்பு...

தமிழகம்

பள்ளி விடுமுறை - தலைமை ஆசிரியர்களே முடிவெடுக்கலாம்”...

இந்தியா

கட்டண உயர்வு - ஜியோவிலிருந்து 11 கோடி வாடிக்கையாளர்கள் வெளியேற்றம்...

இந்தியா

லஞ்சம் கொடுத்ததாக அதானி மீது குற்றச்சாட்டு

சினிமா

தனுஷ்- ஐஸ்வர்யா விவாகரத்து வழக்கில் நவ. 27-ல் தீர்ப்பு...

Get In Touch

Contact Info