Jaya Plus News

எழுத்தின் அளவு: அ+ அ- அ

பகுஜன் சமாஜ் கட்சியின் மாநிலத்தலைவர் ஆம்ஸ்ட்ராங்கின் உடல் 6 மணி நேர ஊர்வலத்திற்கு பிறகு திருவள்ளுர் மாவட்டம் பொத்தூர் ரோஸ் நகர் பகுதியில் பல்வேறு கட்சி தலைவர்களின் முன்னிலையில் நல்லடக்கம் செய்யப்பட்டது.

பகுஜன் சமாஜ் கட்சியின் மாநிலத்தலைவர் ஆம்ஸ்டிராங்கை, கடந்த இரண்டு தினங்களுக்கு முன்பு 6 பேர் கொண்ட மர்ம கும்பல் வெட்டி படுகொலை செய்தது. பின்னர் ராஜீவ் காந்தி அரசு மருத்துவமனையில் பிரேத பரிசோதனை செய்யப்பட்ட ஆம்ஸ்டிராங்கின் உடல், நேற்று முன்தினம் இரவு அவருடைய உறவினர்களிடம் ஒப்படைக்கப்பட்டது. இதையடுத்து ஆம்ஸ்டிராங் ஆதரவாளர்கள் புடைசூழ சுமார் 3 மணி நேர ஊர்வலத்திற்கு பிறகு அயனாவரத்தில் உள்ள இல்லத்திற்கு கொண்டு செல்லப்பட்டது. அங்கு உறவினர்கள் மற்றும் பகுஜன் சமாஜ் கட்சி பிரமுகர்கள் அஞ்சலி செலுத்திய நிலையில், நேற்று காலை 5 மணி அளவில் அயனாவரம் இல்லத்தில் இருந்து பெரம்பூரில் உள்ள மாநகராட்சி மேல்நிலைப்பள்ளி மைதானத்தில் பொதுமக்களின் அஞ்சலிக்காக ஆம்ஸ்ட்ராங் உடல் வைக்கப்பட்டது. அங்கு பகுஜன் சமாஜ் கட்சி தலைவர் மாயாவதி உள்ளிட்ட அரசியல் கட்சி பிரமுகர்கள் ஆம்ஸ்ட்ராங்கின் உடலுக்கு அஞ்சலி செலுத்தினர். இதனிடையே பெரம்பூரில் உள்ள பகுஜன் சமாஜ் கட்சி அலுவலகத்தில் ஆம்ஸ்ட்ராங்கின் உடலை அடக்கம் செய்வதற்கு அனுமதி மறுத்த சென்னை உயர்நீதிமன்றம், திருவள்ளூர் மாவட்டம் பொத்தூரில் அடக்கம் செய்ய அனுமதி அளித்தது.

இதையடுத்து மாலை 5 மணிக்கு தொடங்கிய ஆம்ஸ்ட்ராங்கின் இறுதி ஊர்வலத்தில், வீர முழக்கங்களை எழுப்பியவாறு ஆயிரக்கணக்கானோர் பங்கேற்றனர். பின்னர் நள்ளிரவு 12 மணி அளவில் திருவள்ளுவர் மாவட்டம் பொத்தூர் ரோஸ் நகர் பகுதிக்கு ஆம்ஸ்ட்ராங்கின் உடல் அடக்கம் செய்ய எடுத்து வரப்பட்டது. அப்போது இறுதி சடங்கிற்காக வைக்கப்பட்டு இருந்த அம்ஸ்ட்ராங்கின் உடலை பார்த்து அவரது மனைவி பொற்கொடி கையில் ஒன்றரை வயது குழந்தையை வைத்து கொண்டு அப்பாவை பாருடா என கதறி அழுதது அங்கு கூடி இருந்த அனைவரையும் கண் கலங்க வைத்தது.

அதன்பின்பு பௌத்த முறைப்படி சடங்குகள் செய்யப்பட்டு பகுஜன் சமாஜ் கட்சியின் மாநில தலைவர் ஆம்ஸ்ட்ராங்கின் உடல் நல்லடக்கம் செய்யப்பட்டது. இறுதி நிகழ்வில் விடுதலை சிறுத்தை கட்சி தலைவர் திருமாவளவன், தமிழக காங்கிரஸ் கமிட்டி தலைவர் செல்வப்பெருந்தகை ஆகியோர் பங்கேற்று பகுஜன் சமாஜ் கட்சி மாநிலத்தலைவர் ஆம்ஸ்ட்ராங்கு உடலுக்கு இறுதி அஞ்சலி செலுத்தினர்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

திருவள்ளூர் மாவட்டம் பொத்தூரில் ஆம்ஸ்ட்ராங் உடல் அடக்கம்

All Categories

தொடர்பான செய்திகள்

தமிழகம்

2025-ஆம் ஆண்டில் மொத்தம் 24 நாட்கள் பொது விடுமுறை - தமிழ்நாடு அரசு அரசாணை வெளியீடு...

தமிழகம்

திருச்சியில் அனைத்து துறை அரசு ஓய்வூதியர்கள் சங்கம் சார்பில் ஆர்ப்பாட்டம்...

தமிழகம்

அடிதடியில் ஈடுபடும் மாணவர்கள் - நீதிபதி வேதனை

தமிழகம்

நாளை உருவாகிறது காற்றழுத்த தாழ்வு பகுதி

தமிழகம்

உதயநிதிக்கு எதிரான விசாரணை தொடர்ந்து நடைபெறும் - உச்சநீதிமன்றம்...

சமீபத்திய செய்திகள்

இந்தியா

165 இடங்களில் மகா விகாஸ் அகாதி வெற்றி பெறும் - சஞ்சய் ராவத் திட்டவட்டம்...

இந்தியா

மகாராஷ்டிராவில் அரியணை ஏறுமா மகாயுதி கூட்டணி

ஏன் என்ற கேள்வி

யானைகளுக்கான புத்துணர்வு முகாம் நிறுத்தம்! மக்கள் நலத்திட்டங்களை கைவிட்ட விளம்பர அரசு!!...

விளையாட்டு

இந்திய வீரர்கள் பந்து வீச்சை சமாளிக்க முடியாமல் ஆஸி. தடுமாற்றம்...

இந்தியா

165 இடங்களில் மகா விகாஸ் அகாதி வெற்றி பெறும் - சஞ்சய் ராவத் திட்டவட்டம்...

Get In Touch

Contact Info