Jaya Plus News

எழுத்தின் அளவு: அ+ அ- அ

திமுக அமைச்சர் பொன்முடி, ஒரு பொதுமேடையில் பெண்களைப் பற்றி கொச்சையாக பேசியது அநாகரீகத்தின் உச்சம் என அஇஅதிமுக பொதுச் செயலாளர் புரட்சித்தாய் சின்னம்மா கடும் கண்டனம் தெரிவித்துள்ளார்.

அஇஅதிமுக பொதுச் செயலாளர் புரட்சித்தாய் சின்னம்மா எக்ஸ் வலைதளத்தில் வெளியிட்டுள்ள பதிவில், திமுக அமைச்சர் பொன்முடியின் பேச்சு அநாகரீகத்தின் உச்சம் என்றும், ஒரு பொதுமேடையில் இந்த அளவுக்கு பெண்களைப் பற்றி கொச்சையாக பேசுவது வன்மையாக கண்டிக்கத்தக்கது என்றும் தெரிவித்துள்ளார்.

ஒரு பொறுப்பு வாய்ந்த பதவியில் அமர்ந்துகொண்டு பெண்களை மிகவும் மோசமாக, இழிவுபடுத்தி பேச எப்படி முடிகிறது என்று தெரியவில்லை - கடந்த 6ஆம் தேதி பொதுமேடையில் அமைச்சர் பொன்முடி பேசியதை, இன்றுவரை எந்த பத்திரிகை மற்றும் ஊடகங்களிலும் வெளிவராமல் திமுக தலைமையிலான அரசு அதிகாரத்தை பயன்படுத்தி பார்த்துக்கொண்டது இன்றைக்கு வெட்டவெளிச்சமாகிவிட்டது என புரட்சித்தாய் சின்னம்மா குறிப்பிட்டுள்ளார்.

ஒரு அமைச்சர் பதவியில் இருப்பவர் இந்த அளவுக்கு கீழ்த்தரமாக பேசியபின், 5 நாட்கள் கழித்து இன்றைக்கு கட்சி பதவியிலிருந்து நீக்கி நடவடிக்கை எடுப்பது திமுகவினரின் கண் துடைப்பு நாடகமே தவிர வேறொன்றும் இல்லை என புரட்சித்தாய் சின்னம்மா விமர்சித்துள்ளார்.

மேலும், கட்சியில் ஒரு உறுப்பினராக இருக்கக்கூட தகுதியில்லாத இவர், இன்னும் அமைச்சர் பதவியில் நீடித்துக்கொண்டு இருக்கிறார் - தமிழக அமைச்சராக நீடிக்க இவருக்கு எந்தவித அருகதையும் இல்லை - பொன்முடியை உடனே அமைச்சர் பதவியிலிருந்து நீக்க வேண்டும் என்றும் புரட்சித்தாய் சின்னம்மா வலியுறுத்தி உள்ளார்.

ஒரு அமைச்சர் பதவியில் இருப்பவரே நாட்டின் பொது அமைதிக்கு குந்தகம் விளைவிப்பதுபோல் பேசியிருப்பதால், இவர் அமைச்சராக பதவி ஏற்கும்போது தான் ஏற்றுக்கொண்ட ரகசியகாப்பு பிரமாணத்திற்கு எதிராக செயல்பட்டுள்ளார் - இவர் மீது மாண்புமிகு உயர்நீதிமன்றம் தாமாகவே முன்வந்து உரிய சட்ட நடவடிக்கை எடுக்கவேண்டும் என்றும் புரட்சித்தாய் சின்னம்மா கோரிக்கைவிடுத்துள்ளார்.

புரட்சித்தலைவி அம்மா ஆட்சியில் அமைச்சரவையில் யாராவது இது போன்று நடந்து கொண்டார்களா? - அவ்வாறு ஒருவர் பேசி இருந்தால் அவர் மேடையிலிருந்து கீழே இறங்குவதற்குள் அமைச்சர் பதவியிலிருந்து நீக்குவது மட்டுமல்ல, அவரை கட்சியிலிருந்தே வெளியேற்றி இருப்பார்கள் என தெரிவித்துள்ள புரட்சித்தாய் சின்னம்மா, புரட்சித்தலைவி அம்மா ஆட்சியில்தான் பெண்கள் கண்ணியமாக வாழ முடிந்தது என்றும் கூறியுள்ளார்.

ஆனால், இன்றைக்கு தமிழகத்தில் ஒவ்வொரு மணித்துளியிலும் பெண்கள் வஞ்சிக்கப்பட்டு பாதிக்கப்படுகிறார்கள் என்றும், திமுக ஆட்சியில் பெண்களின் பாதுகாப்பு மிகவும் கேள்விக்குறியாகிவிட்டது என்றும், இதற்கெல்லாம் ஆட்சி மாற்றம் ஒன்றே நிரந்தர தீர்வு என்பதை இந்நேரத்தில் தெரிவித்துக் கொள்கிறேன் என்றும் அஇஅதிமுக பொதுச் செயலாளர் புரட்சித்தாய் சின்னம்மா குறிப்பிட்டுள்ளார்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

பொன்முடியின் பேச்சு அநாகரீகத்தின் உச்சம் - புரட்சித்தாய் சின்னம்மா கண்டனம்

All Categories

தொடர்பான செய்திகள்

தமிழகம்

"சொத்தில் பெண்களுக்கு சம உரிமை கிடைக்க காரணமானவர் அண்ணல் அம்பேத்கர்" - புரட்சித்தாய் சின்னம்மா புகழாரம்...

தமிழகம்

தொண்டர்கள், பொதுமக்களுக்கு இனிப்பு வழங்கி புரட்சித்தாய் சின்னம்மா மகிழ்ச்சி...

தமிழகம்

தமிழகம்

தமிழகம்

இனிய தமிழ் புத்தாண்டு நல்வாழ்த்துகள்! - புரட்சித்தாய் சின்னம்மா வாழ்த்துச் செய்தி...

சமீபத்திய செய்திகள்

க்ரைம்

கந்துவட்டி கொடுமையின் உச்சம்... சொத்துகளை மீட்க உதவுமாறு கோரிக்கை...

தமிழகம்

தொண்டர்கள், பொதுமக்களுக்கு இனிப்பு வழங்கி புரட்சித்தாய் சின்னம்மா மகிழ்ச்சி...

தமிழகம்

தமிழகம்

க்ரைம்

கந்துவட்டி கொடுமையின் உச்சம்... சொத்துகளை மீட்க உதவுமாறு கோரிக்கை...

Get In Touch

Contact Info