Jaya Plus News

எழுத்தின் அளவு: அ+ அ- அ

கலைத்துறைக்கு ஆற்றிய சேவையை பாராட்டி, நடிகர் அஜித்துக்கு உயரிய விருதுகளின் ஒன்றான பத்மபூஷன் விருதை மத்திய அரசு அறிவித்துள்ளது. இதற்காக பல்வேறு அரசியல் தலைவர்கள், திரையுலகினர், ரசிகர்கள் வாழ்த்து தெரிவித்து வரும் நிலையில், பத்மபூஷன் விருது அறிவிக்கப்பட்டுள்ள இந்த தருணத்தில் தன் தந்தை இருந்திருக்க வேண்டும் என நெகிழ்ச்சியுடன் கூறியுள்ளார் நடிகர் அஜித் குமார். 2025ஆம் ஆண்டு தொடக்கமே அஜித்துக்கு அமோகமாக அமைந்துள்ளது குறித்து இந்த செய்தி தொகுப்பில் காணலாம்...

தமிழ் சினிமாவில் முன்னணி நடிகராக வலம் வருபவர் நடிகர் அஜித்குமார். ஏராளமான வெற்றிப் படங்கள் மூலம் தனக்கென தனி ரசிகர்கள் பட்டாளத்தை கொண்டுள்ளவர். இந்த ஆண்டு அவரது விடாமுயற்சி, குட் பேட் அக்லி ஆகிய படங்கள் அடுத்தடுத்து ரிலீசுக்கு தயாராக உள்ளன . நடிப்பு மட்டுமின்றி பைக், கார் ரேஸில் ஆர்வம் கொண்ட அஜித், தற்போது கார் ரேஸில் முழு கவனம் செலுத்தி வருகிறார். இதற்காக அஜித்குமார் ரேஸிங் என்ற அணியை உருவாகியுள்ளார். சமீபத்தில் துபாயில் நடந்த கார் பந்தயத்தில் அஜித்தின் அணி, 3வது இடம் பிடித்து அசத்தியது.

இந்த மகிழ்ச்சி அடங்குவதற்குள் கலைத்துறைக்கு ஆற்றிய சேவையை பாராட்டி மத்திய அரசு அஜித்குமாருக்கு பத்மபூஷன் விருதை அறிவித்து சிறப்பித்துள்ளது.

திரைத்துறையில் தமிழக அரசின் சிறந்த நடிகருக்கான விருது, எம்ஜிஆர் விருது, பிலிம்பேர் விருது உள்ளிட்ட பல்வேறு விருதுகளை வென்றுள்ள அஜித்துக்கு, நாட்டின் உயரிய விருதுகளில் ஒன்றான பத்மபூஷன் விருது அறிவிக்கப்பட்டுள்ளது ரசிகர்களை மட்டுமல்லாமல் ஒட்டுமொத்த மக்களையும் கொண்டாட வைத்துள்ளது.

இதற்கு முன்பு தமிழ் திரையுலகில் 1984ம் ஆண்டு சிவாஜி கணேசன், 2000ம் ஆண்டு ரஜினிகாந்த், 2014ம் ஆண்டு கமல்ஹாசன், 2024ம் ஆண்டு விஜயகாந்த் ஆகியோர் மட்டுமே பத்ம பூசண் விருது பெற்றுள்ளனர். அவர்களின் வரிசையில் பத்மபூஷன் விருது பெறும் ஐந்தாவது நடிகர் என்ற பெருமையை பெற்றுள்ளார் அஜித்குமார்.

பத்மபூஷன் விருது பெறும் நடிகர் அஜித் குமாருக்கு பல்வேறு அரசியல் தலைவர்கள், திரையுலகினர், ரசிகர்கள் ஆகியோர் வாழ்த்து தெரிவித்து வருகின்றனர். இந்த நிலையில் பத்மபூஷன் விருது அறிவிக்கப்பட்டதற்கு நன்றி தெரிவித்து அறிக்கை ஒன்றை வெளியிட்டுள்ளார் அஜித்குமார்.

அதில், குடியரசுத் தலைவரிடமிருந்து மதிப்புமிக்க பத்ம விருதைப் பெறுவதில் பெருமையும் மகிழ்ச்சியும் அடைவதாக தெரிவித்துள்ளார். இந்த மதிப்புமிக்க கெளரவத்திற்காக, குடியரசுத் தலைவர் திரௌபதி முர்மு மற்றும் பிரதமர் நரேந்திர மோடி ஆகியோருக்கு தனது மனமார்ந்த நன்றியை தாழ்மையுடன் தெரிவித்துக் கொள்வதாக அஜித் குறிப்பிட்டுள்ளார்.

மதிப்பிற்குரிய திரைத்துறையினர், திரைத்துறை முன்னோடிகள், தன் நண்பர்கள் உட்பட அனைவருக்கும் தனது நன்றி என குறிப்பிட்டுள்ள நடிகர் அஜித்குமார், உங்கள் உத்வேகம், ஒத்துழைப்பு மற்றும் ஆதரவு ஆகியவை தனது பயணத்தில் உறுதுணையாக இருந்ததோடு தனக்கு விருப்பமாக இருந்த மற்ற விஷயங்களிலும் கவனம் செலுத்த உதவியது என குறிப்பிட்டுள்ளார். தனது குடும்பம் மற்றும் நண்பர்களின் அளவற்ற அன்பும் ஆதரவும்தான் எனது பலம் என்றும் நன்றி தெரிவித்துள்ளார்.

எனது ரசிகர்கள், ஆதரவாளர்கள் மற்றும் நலன் விரும்பிகள் அனைவரும் என் மீது வைத்திருக்கும் அசைக்க முடியாத அன்பும் ஆதரவுமே என்னை அர்ப்பணிப்புடன் இருக்க உந்துகிறது. இந்த விருது என்னுடையது போலவே உங்களுக்கும் உரியது என அஜித் நெகிழ்ச்சியுடன் குறிப்பிட்டுள்ளார்.

கார் ரேஸில் வெற்றி, விடா முயற்சி, குட் பேட் அக்லி என அடுத்தடுத்து படங்கள் வெளியீடு, தற்போது பத்மபூஷன் விருது என இந்த ஆண்டு அஜித்குமாருக்கு சிறப்பாகவே தொடங்கியுள்ளது... இது அவரையும் அவரது குடும்பத்தினரையும் மட்டுமின்றி, திரைத்துறையினர், ரசிகர்கள் மற்றும் தமிழக மக்களை மகிழ்ச்சியில் ஆழ்த்தியுள்ளது என்றால் மிகையல்ல.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

பத்ம பூஷன் அஜித்குமார்... ஆண்டு தொடக்கமே அமோகம்

All Categories

தொடர்பான செய்திகள்

சினிமா

ஓட்டப்பந்தயம் - அஜித் மகன் முதலிடம் - ஷாலினி பகிர்ந்த வீடியோ

சினிமா

தனுஷ் வழக்கு - நெட்பிளிக்ஸ் மனு தள்ளுபடி

சினிமா

பத்மபூஷன் விருது பெற்ற நடிகர் அஜித்குமாருக்கு வாழ்த்துகள் - ரஜினிகாந்த்...

சினிமா

பத்ம பூஷன் அஜித்குமார்... ஆண்டு தொடக்கமே அமோகம்

சினிமா

விஜய் நடிக்கும் புதிய படத்தின் பெயர் 'ஜன நாயகன்'

சமீபத்திய செய்திகள்

தமிழகம்

காவிரி படித்துறையில் முன்னோர்களுக்கு தர்ப்பணம் செய்து பொதுமக்கள் வழிபாடு...

தமிழகம்

கழிவாக மாறும் வைகை ஆறு... நடவடிக்கை எடுக்க பொதுமக்கள் கோரிக்கை...

தமிழகம்

வைகையில் கழிவுநீர் கலப்பதை தடுக்க உரிய நடவடிக்கை எடுக்க பொதுமக்கள் கோரிக்கை...

ஆன்மீகம்

நெல்லை குறுக்குத்துறை தாமிரபரணி ஆற்றில் முன்னோர்களுக்கு தர்ப்பணம்...

தமிழகம்

காவிரி படித்துறையில் முன்னோர்களுக்கு தர்ப்பணம் செய்து பொதுமக்கள் வழிபாடு...

Get In Touch

Contact Info